OUDTSHOORN NUUS - Klein-Karoo-plaaswerkers is Vrydagaand vereer met die Wes-Kaap Prestige Landboutoekennings.
Die algehele wenner, die werker met die beste potensiaal, en die wenners in ander kategorieë is tydens ‘n glansgeleentheid by die by Surval Boetiek Olyflandgoed bekroon.
Salomé April is aangewys as die Klein Karoo Landbouwerker van die jaar 2016, en Allister Loff het erkenning geniet as die werker met die beste potensiaal.
Die wenners in die nege kategoriee:
- Algemene werker: Allister Loff
- Trekkerdrywer: Joseph Basson
- Besproeiingsspesialis: Dawid van Rooi
- Tegniese operateur: Kerneels van Aswegen
- Diereproduksie: Isak Damons
- Administratiewe personeel: Salomé April
- Voorman: Isak Filander
- Junior bestuur: Mike Hendriks
- Landbou-verwerking: Melanie Buffel
Die Saag Jonker Groep is aangewys as die beste presterende plaas.
Erika Manho-Damons namens die Wes-Kaap Departement van Landbou se afdeling Plaaswerkerontwikkeling en Chris Schutte van Shoprite, borg van die Prestige Landboutoekennings sedert 2012, het die pryse aan die wenners, naaswenners en tweede naaswenners oorhandig.
Die beoordeling van al die wenners in die Wes-Kaap streke word op 12 Oktober gedoen, en die finale wenners word op 5 November tydens ‘n glansgeleentheid by Nederburg Wynlandgoed aangewys.
Surval het die onthaalruimte gratis aangebied en Karusa het die wyn geskenk.
Allister Loff is aangewys as die werker met die meeste potensiaal, en Salome April is aangewys as die Klein Karoo se Landbouwerker van die Jaar 2016.
Die wenners in die verskillende kategorieë van die Wes-Kaap Prestige Landboutoekennings.
ARTIKEL EN FOTO'S: TISHA STEYN
'Ons bring jou die nuutste Oudtshoorn, Klein Karoo nuus'
