OUDTSHOORN NUUS - Oudtshoorn is uitstekend verteenwoordig op die pas afgelope World Travel Market Africa wat van 14 tot 17 April in die Kaapstad Internasionale Konferensiesentrum gehou is.
toerisme, wat die belangrikste bemarkings-geleentheid vir toerisme in Afrika bygewoon het.
Saam met hom was ten minste 20 ander eienaars en of verteenwoordigers van toerismeprodukte uit die Groter Oudtshoorn-gebied.
Tydens die WTM Africa kry toerisme-ondernemings in Suid-Afrika en die res van Afrika die geleentheid om hul dienste en produkte aan die res van die wêreld te bemark. "Ons verkoop die 'Groot Vyf' van Oudtshoorn," verduidelik Els.
"Sogenaamde geborgde kopers, wat deur toe-risme-ondernemings in hulle lande na die WTM gestuur word, is op die uitkyk vir aanloklike toe-risme-bestemmings."
Volgens Els kry elke entiteit tydens die WTM 'n kans om binne vyf minute hul produkte bekend te stel. "Die WTM se leuse is: Ons doen besigheid, en dit is waaroor dit by die vinnigste groei-ende grootste toerismeskou in Afrika gaan."
- Natuur, soos die Swartberg se passe en poorte en die Kango-grotte;
- Volstruisbedryf, wat die volstruiservaring maar ook produkte insluit;
- Mense, wat besoekers met tipiese Klein-Karoo gulhartigheid ontvang;
- Weersomstandighede, wat die omgewing geskik maak vir buitelug-aktiwiteite soos sport en feeste; en
- Sirkelroetes, naamlik die roete vanaf Oudts-hoorn, oor die Swartbergpas na Prins Albert, deur Klaarstroom, Meiringspoort en De Rust tot terug in Oudtshoorn, maar ook die Roete 62 vanaf Kaapstad tot in Port Elizabeth en met die N2 terug tot in Kaapstad.
Volgens Els is die blootstelling aan nuwe toe-rismemarkte wat belangstel om in Suid-Afrika te kom reis, een van die belangrikste aspekte van die WTM Africa.
"Dit bied geleentheid om ons produkte aan nuwe markte, soos onder meer Rusland, Slovenië, Roemenië, Turkyke en Poland bekend te stel. Daar was veral baie belangstelling uit Lithuanië en die Verenigde Arabiese Emirate," sê hy.
Volgens Els word daar tydens die WTM groot klem gele op Fair Trade-toerisme. "Dit beteken dat dit vir toeriste toenemend belangrik raak om deurdagte besluite oor toerisme-bestemmings te maak wat hulle goed laat voel."
'Ons bring jou die nuutste Oudtshoorn, Klein-Karoo nuus'
