OUDTSHOORN NUUSFLITS - Wes Handelshuis en Mamash het kliënte Dinsdagaand na ‘n geselligheid genooi om nuwe produkte bekend te stel en ook om inwoners opnuut bewus te maak van hulle Pay it Forward-broodprojek.
Inwoners kan ‘n brood teen R5 koop wat dan aan instansies gegee word om aan behoeftiges uitgedeel te word. Die broodprojek kan by Wes-Handelshuis en Camp Roadhouse ondersteun word.
Tydens Dinsdagaand se geselligheid het die Franse kaasmaker, Pepe Charlot, wat met 'n Suid-Afrikaanse vrou getroud is en in Kommetjie woon, sy bokmelkkaas by Wes Handelshuis bekendgestel. Petra en Dean Lategan, bekende kaasmakers van Latana Kaas buite Oudtshoorn en Mary en Dick Carr, organiese boere, het ook hul produkte, wat voortaan by die toonaangewende Wes Handelshuis se Mamash-deli beskikbaar sal wees, bekend gestel.
Ten spyte van die reën het ‘n groot groep kliënte die aand bygewoon en onder andere sommer in die bakkery-gedeelte stoele nader getrek om aan wyn, kaas, brood, olywe en ‘n eiervruggereg te smul,
'Ons bring jou die nuutste Oudtshoorn, Klein Karoo nuus'
