DE RUST NUUSFLITS - Die nuus op Vrydag 10 Februarie dat De Rust se water steeds nie geskik is vir menslike gebruik nie, het mense se moed gebreek.
Gister, Maandag 27 Februarie het inwoners van dié dorp se moed verder in hul skoene gesak sak toe die hoolynpyp omstreeks 15:00 gebreek het.
“Die hooflynpyp voor die pomp het gebreek as gevolg van waterdruk wat binne die pyp opgebou het,” het die Oudtshoorn-munisipaliteit se woordvoerder, Ntobeko Mangqwengqwe kort voor 16:00 gister gesê.
Mangqwengqwe het vanoggend gesê hulle is in die proses om die pyp oop te grawe en herstelwerk te doen. “Dit kom daarop neer dat ons nie water in die opgaardamme kan pomp nie.”
Die nuus van die pypbars volg na die munisipaliteit op 10 Februarie bekendgemaak het die uitslag van ‘n watermonster is ontvang en dat die bakteriologiese uitslag toon die water is steeds nie geskik vir menslike gebruik nie.
"Daar is geen E.coli in die water nie. Die chemiese uitslae van die watermonster lyk egter nie so goed nie. Die ysterinhoud is tans 2,2mg/L en moet <0,2mg/L wees.
Hierdie hoë ysterinhoud sal klere laat vlek en is ook 'n gesondheidsrisiko vir sensitiewe groepe. Die water is ook baie troebel en is dus steeds nie geskik vir menslike gebruik nie," het Mangqwengqwe gesê.
Die Oudtshoorn Courant berig sedert die begin van die jaar oor die waterkrisis wat in De Rust heers as gevolg van roet wat na swaar reën in die water beland het.
Klik hier vir vorige artikels:
- Water steeds nie drinkbaar
- Waterkrisis steeds nie opgelos
- De Rust-inwoners kwaad oor water
- De Rust-waterkrisis: Skenkings benodig
- De Rust-waterkrisis: Reën kan dinge vererger
- Waterskenkings stroom in vir De Rust
- De Rust nog tot volgende week in waterkrisis
- Nòg water vir De Rust
- De Rust steeds in waterkrisis
- Opvolg: Waterkrisis in De Rust
Lees meer in Vrydag se Oudtshoorn Courant, asook aanlyn.
'Ons bring jou die nuutste De Rust, Klein Karoo nuus'
