OUDTSHOORN NUUSFLITS - ‘n Familielid van die 70 jarige motorfietsryer, Collin Glanwill King wat gisteroggend (13 Februarie) vermoedelik sy eie lewe by ‘n rusplek op die Calitzdorp-pad geneem het, het met die ondersoekbeampte, ao. Anthony Valentine kontak gemaak.
Die bewering is dat hy in die rigting van Oudtshoorn gery het, by die aftrekplek gestop en ‘n botteltjie koeldrank gedrink het, waarna hy homself geskiet het.
Sy identiteit is tot vanoggend weerhou onderwyl die polisie sy familie probeer opspoor het. Toe die familie nie opgespoor kon word nie is sy identiteit vanoggend aan die Oudtshoorn Courant gegee om op sosiale media te plaas, met die hoop dat King se familie na vore sal kom.
Kaptein Louis Visser het om ongeveer 12:30 vanmiddag bevestig dat ‘n suster van King wat in Swellendam woonagtig is, vermoedelik op sosiale media van haar broer se dood te hore gekom het en die ondersoekbemapte gekontak het.
Klik hier vir vorige artikels:
- Skietvoorval: Motorfietsryer se identiteit bekend
- Opvolg: Man dood in skietvoorval
- Motorfietsryer sterf in skietvoorval
'Ons bring jou die nuutste Oudtshoorn, Klein Karoo nuus'
