OUDTSHOORN NUUSFLITS - Twee leerders en 'n oud-leerder van Hoërskool Môrester in Oudtshoorn het vroeg vanjaar 'n man gered wat byna in 'n plaasdam verdrink het.
Daniel Ewerts (16), Kashief Esau (15) en Johanthan Bruintjies (wat verlede jaar matriek was), het op 9 Januarie in 'n plaasdam in die Buffelsdrift-omgewing gaan swem.
Volgens Kashief is hy en Daniel in die koshuis is dit een van hul gunsteling stokperdjies om naweke as hulle by die huis is in die plaasdam te gaan swem.
"Ons het Oom Sam sien aankom maar ons dink hy het dalk bietjie alkohol in sy lyf gehad. Ek en Daniel het vir die oom gesê hy moet eerder nie swem nie en toe ons weer kyk toe duik die oom in," vertel hy.
Volgens Daniel het hy en Kashief gekyk en gesien dat die man bo die water uitkom.
"Die oom het skielik begin spartel en toe kom ons agter die oom is besig om te verdrink. Kashief het eerste ingespring en ons is agterna om hom te help," vertel Daniel.
Hy vertel dat hy en Kashief die man na die damwal geneem het en Johanathan het kunsmatige asemhaling op hom toegepas.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein-Karoo nuus'
