OUDTSHOORN NUUS - Die Oudtshoorn-munisipaliteit, Oudtshoorn Infanterieskool en verskeie ander rolspelers het Vrydag 16 Junie Jeugdag op Oudtshoorn herdenk.
Die oorhandiging van brandende kerse en die dra van 'n fakkel, was die simbool van aanmoediging vir die jeug om die land vorentoe te neem en te veg vir hul regte, soos hulle wat op 16 Junie 1976 hul lewens verloor het in 'n stryd om menseregte.
Burgemeester Colan Sylvester, het 11:00 'n fakkel aangesteek en 'n erewag van die Infanterieskool onder saluut inspekteer terwyl hy en die eregaste deur die erewag geloop het en daarna die fakkel aan Infanterieskool-atlete oorhandig het.
Die atlete het met die fakkel deur die dorp gedraf en by die Bongolethu-sportterrein dit weer aan Sylvester en die onderburgemeester, Noluthando Mwati, oorhandig.
Sylvester en Mwati het tydens 'n emosionele fakkelseremonie kerse van die jeug van 1976 aangesteek, wat op hul beurt dit aan die jeug van vandag oorhandig het.
"Ons bring vandag hulde aan die jeug van 1976 wat hul lewens so tragies verloor het, terwyl hulle opgestaan het vir hul regte. Ons kan vergewe, maar ons kan nie vergeet nie," het Mwati in die openingstoespraak gesê. Sy het aan die jeug gesê: "Julle moet hierdie vlam vat en aanbeweeg."
Mwati het die jeug aangemoedig om te fokus op onderrig, juis dit waarvoor die 1976 jeug geveg het. "Wat in 1976 gebeur het was 'n tragedie en nasionale vernedering. Dit sal nooit weer gebeur nie."
Burgemeester Sylvester het sy toespraak begin deur 'n spreekwoord aan te haal wat lees: "Ons het nie die land van ons voorvaders geërf nie, maar leer uit die verlede sodat dit ons die toekoms kan inneem en inspireer om beter te doen."
Hy het die jeug aangemoedig om altyd na beter te strewe en gesê daar is geen limiet gekoppel aan wat hulle kan bereik nie.
"Suid-Afrikaners het gekies om nie te leef in haat oor wat in die verlede gebeur het nie, maar om te strewe daarna om 'n beter nalatenskap vir ons kinders. Elkeen van ons is verantwoordelik vir ons eie einddoel."
"Hy het 'n strek demokratiese regering, geleenthede vir almal, die vermyding van konflik, opvoeding en gelyke geleenthede as 'n resep vir sukses voorgehou.
"Laat daar 'n nuwe generasie, met 'n nuwe begin en era vir Oudtshoorn opstaan."
'n Hoërskool Oudtshoorn-leerder Sikelela Mxungelwa, het met die voorlees van die gedig, My Cry, trane by van die gaste laat rol.
('n gedeelte van gedig)
Alone on the river bank
I hear the smooth flow
I hear the air breath
The trees speak
I hear the silent giggle of the caterpillar
and the quarrel of the frogs
Do you hear my cry?
On the peak of the mountain
I see the sun smile, no frown
The birds fly
And the clouds come together as one
But do you hear my cry?
I look at you in the eyes
A fake smile
Heart torn to pieces
And no word coming out
And you still don't hear my cry
I am scared
My body shivering
Mined running for miles
Wondering, who is next
Do you hear my cry?
Miriam Hlazo het haar ondervindinge van 16 Junie 1976 met die gaste gedeel.
ARTIKEL: CHRISTO VERMAAK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
