OUDTSHOORN NUUS - Die gesin wat al hulle besittings verlede Donderdag in 'n brand verloor het is nou op die moeisame pad om dit wat verloor is te vervang en van voor af te begin.
Volgens Jaco was hy in sy kamer toe hy besef die huis brand. "Ek het my ma gebel en begin om goed uit te dra, maar die vuur was te vinnig. Alhoewel die brandweer binne minute op die toneel was het die brand reeds die binnekant van die huis in puin gelê. Al die gesin se meubels, oudhede, klere, beddegoed en huisware is vernietig.
Nadat die brand op die Oudts-hoorn Courant se Facebook verskyn het, het hulp van verskeie oorde ingestroom. Daar is in die gesin se onmiddellike behoeftes voorsien en Solidariteit Helpende Hand het aangebied om enige hulp te koördineer. Twee sakemense het wagte gehuur om die huis oor die naweek te bewaak en die eienaar
van die sekerheidsmaatskappy het helfte van die koste self gedra.
Marieta se nege hondjies waarmee sy teel het tydelike huisves-ting by die munisipale skut gekry.
Die gesin het hierdie week kwotasies bekom om aan die versekeraar te stuur en het ook reeds 'n ander huurhuis gekry. Hulle woon tydelik by vriende totdat die huur-huis beskikbaar is.
Klik hier vir 'n vorige artikel.
Jaco se fiets was onder die besittings wat deur die vuur verwoes is.
Brandweermanne blus die vuur aan die agterkant van die huis.
ARTIKEL EN FOTO'S: HANNES VISSER, OUDTSHOORN COURANT-REDAKTEUR
'Ons bring jou die nuutste Oudtshoorn, Klein-Karoo nuus'
