OUDTSHOORN NUUS - Borgtog is in die streekhof geweier aan een van vyf verdagtes wat daarvan aangekla word dat hulle by 'n slaghuis in Dassieweg, Bridgton, ingebreek en toerusting van derduisende rand, kontant en vleisprodukte gesteel het.
Streeklanddros Daniel Boks het die 22-jarige Patrick Meyer se aansoek geweier omdat hy 'n geneigdheid toon om misdaad te pleeg en dit nie in belang van geregtigheid is dat hy vrygelaat word nie.
Meyer word saam met Marco van Hansen (18), Ruan Prins (27), Romano Sass (23) en Freek de Jongh (41) daarvan aangekla dat hulle op 2 Julie 2018 by Watson & Seuns, in Dassieweg, Oudtshoorn, ingebreek en onder andere, 'n kluis met
R25 000 kontant, rekenaars ter waarde van sowat R60 000, 'n kamerastelsel, koffiemasjien en 'n groot aantal vleisprodukte gesteel het.
Die verhoor word op 2 Maart voortgesit.
Lees 'n vorige artikel: 5 in hof vir inbraak by slaghuis
'Ons bring jou die nuutste Oudtshoorn, Klein Karoo nuus'
