As deel hiervan het die Burgemeester van die Groter Oudtshoorn, Gordon April, Maandagoggend besoek afgelê by die Eljada-Kairos skool in Baron van Reedestraat.
April, vergesel deur van sy amptenare, het Kersvader gehelp om geskenkpakkies aan die kinders uit te deel.
"Ons het so pas begin met bewusmaking vir die 16 dae van aktivisme teen geweld teen vrouens en kinders," het April vertel. "Dit sluit ook ondersteuning aan mense met gestremdhede in. Op die eerste Desember het ons Wêreldvigsdag gevier en môre, op die derde Desember, vier ons die internasionale dag vir mense met gestremdhede."
April het vertel dat mense met gestremdhede die Groter Oudtshoorn-raad na aan die hart lê. Sportprestasies van gestremde atlete is ook beloon tydens die Groter Oudtshoorn-sporttoekennings. "Wees verseker dat ons as die plaaslike munisipaliteit altyd ons volle ondersteuning sal bied. Ons wil seker maak dat elkeen sy regmatige plek kan inneem en sy volle potensiaal kan bereik binne `n inklusiewe samelewing."
Burgemeester Gordon April, het Maandagoggend besoek afgelê by Eljada-Kairos. Hennie Baartman, skoolhoof van Eljada-Kairos en sy personeellede, saam met die burgemeester en Kersvader by die kinders wat geskenkpakkies ontvang het. Foto: Jacques Swart
'Ons bring jou die nuutste Oudtshoorn | Klein-Karoo nuus'
