OUDTSHOORN NUUS - Borgtog van R500 is in die Oudtshoorn-landdroshof toegestaan aan 'n man van De Rust wat van moord aangekla word.
Die 25-jarige Darion Katzen staan tereg op aanklag van moord op die 36-jarige Michael Makier, 'n brandweerman, ook van De Rust.
Katzen en Makier was op Saterdag 3 September in 'n stryery betrokke waarna 'n worsteling plaasgevind en Makier met 'n skerp voorwerp gesteek is. Hy is op die toneel oorlede.
Katzen is nog dieselfde aand in hegtenis geneem.
Landdros Johan Steynberg het borgtog aan Katzen toegestaan op voorwaarde dat hy sy hofverrigtinge bywoon en nie met staatsge-tuies kontak maak nie.
Die saak is vir verdere ondersoek tot 10 Oktober uitgestel.
Klik hier vir vorige artikels:
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudtshoorn, Klein Karoo nuus'
