OUDTSHOORN NUUS - Oudtshoorn se uitvoerende burgemeester, Colan Sylvester, het vanoggend die voorlopige 2018/2019-begroting en geïntegreerde ontwikkelingsplan tydens ‘n spesiale raadsvergadering ter tafel gelê.
Raadslede sal nou twee itemswerkswinkel en vergaderings in alle munisipale wyke hou om die publiek die geleentheid te gee om insette te lewer.
Die aanbevole kapitale begroting beloop R55,94 miljoen en is as volg uiteengesit:
- Water infrastruktuur: R27,95 miljoen
- Elektrisiteit: R4,36 miljoen
- Sanitasie: R2,7 miljoen
- Vullisverwydering: R2,37 miljoen
- Paaie infrastruktuur: R4,5 miljoen
- Sport- en rekraeasiefasiliteite: R6,21 miljoen
- Gemeenskapsprojekte: R1 miljoen
- Ander: R6,86 miljoen
Die aanbeveling lees dat elektrisiteitstariewe met 6,84% styg, terwyl watertariewe se verhoging tussen 6,2% en 11,2% kan beloop. Die verwydering en suiwering van riool is vir ‘n 8% verhoging geoormerk, terwyl vullisverwydering met 10,35% kan styg.
Lees meer in volgende week se Oudtshoorn Courant en aanlyn.
'Ons bring jou die nuutste Oudtshoorn, Klein Karoo nuus'
