Volgens die skoolhoof, Colan Sylvester is hy vroegoggend van die ontploffing in kennis gestel.
Die kok, Ursula Claassen en haar assistent, Ursula August, het volgens ‘n afgetrede verpleegster, Sarah Herman, wat vir 32 jaar by die Dysselsdorp kliniek gewerk en steeds by gemeenskapswerk betrokke is, erge brandwonde opgedoen en is na ‘n hospitaal op Oudtshoorn geneem.
Sy was die eerste op die toneel om die vroue te help en ’n ambulans te skakel.
Claassen en August is elke oggend die eerste by die skool om met die dag se voedselvoorbereiding vir leerders in die mobiele kombuis te begin.
Die vermoede is dat hulle waarskynlik te lank geneem het om die stoof aan te steek nadat die gastoevoer oopgedraai is.
Sarah Herman het die twee beseerde kokke te hulp gesnel.
'Ons bring jou die nuutste Oudtshoorn, Klein-Karoo nuus'
