OUDTSHOORN SAKENUUS - Versekering wat jou in staat stel om suiwer kankerdekking te kry.
Die Wêreldgesondheidsorganisasie voorspel dat die getal nuwe kankergevalle oor die volgende twee dekades met ongeveer 70% sal toeneem. Aan die ander kant bring die toename in die oorlewingsyfer van mense by wie kanker gediagnoseer is, tog ’n sprankie hoop.
Sanlam Finansiële Adviseurs van Complectus Wealth BlouSter Finansiële Adviesdienste in Oudtshoorn, sê dit beteken egter dat meer mense die finansiële koste van die oorlewing van kanker die hoof sal moet bied. Voordele wat slegs kanker dek, soos die een wat onlangs deur Sanlam bekend gestel is, sal dus waarde toevoeg vir verbruikers.
Tans is meer as 60% van eise vir ernstige siektes wat deur die lewensversekerings-bedryf erken word in enige jaar, suiwer aan kanker toe te skryf. Dis waarom Sanlam suiwer kankervoordele bekend gestel het. Ons wil mense in staat stel om direkte oplossings te kry vir wat hulle die meeste bekommer. Ons het gesien mense is oor die algemeen meer bekommerd oor die risiko van kanker as oor die risiko van enige ander siekte, en wanneer ’n mens na die nuwe vooruitskattings kyk, verstaan jy waarom.
Die groter blootstelling aan kennis en mediese navorsing maak meer mense bewus van hul vatbaarheid vir sekere siektes. Al hoe meer mense soek dus na pasgemaakte voordele wat siektes sal dek waaroor hulle die meeste bekommerd is.
Baie mense wil graag hul dekking vir kanker opstoot, maar tot dusver kon hulle dit net doen deur die versekerde bedrag van hul omvattende dekking vir kritieke siektes - wat kanker en ook ander siektes insluit - te verhoog.
’n Suiwer kankervoordeel is ook ’n alternatiewe oplossing vir mense wat om ander mediese redes as kanker nie omvattende dekking vir kritieke siektes kan verhoog of bekom nie. En as bekostigbaarheid ’n belangrike oor-weging is, kan suiwer kankervoordele ’n oplossing wees om ’n meer bekostigbare totale pakket saam te stel deur omvattende en suiwer kankervoordele te kombineer.”
Die Kankervoordeel is deel van Sanlam se meer bekostigbare Impak-reeks voordele. Die Sanlam Finansiële Adviseurs verduidelik dat die Sanlam-voordeel, in teenstelling met mededingervoordele wat in verhouding tot die fase van die kanker betaal word, erken dat nie alle kankers dieselfde is nie.
Terwyl dit byvoorbeeld toepaslik sou wees om 25% vir fase 1-velkanker te betaal, sal 25% vir fase 1-pankreaskanker nie genoeg wees om kliënte behoorlike dekking te gee nie. Daarom sal die Impak-reeks 100% van die versekerde bedrag vanaf fase 1 betaal vir gespesifiseerde aggressiewe kankers.
Sanlam het die ‘impak’ van verskillende kankers oorweeg om seker te maak dat wanneer verbruikers meer bekostigbare opsies gegee word, hulle steeds behoorlik gedek word. ’n Kanker Plus-voordeel, teen ’n hoër maandelikse premie, is ook beskikbaar om maksimum uitbetalings te verskaf.
Kontak Complectus Wealth BlouSter Finansiële Adviesdienste by 044 203 2014 of jacquess@sanlam4u.co.za vir kundige advise.
Sanlam is ’n Gelisensieërde Verskaffer van Finansiële Dienste.
'Ons bring jou die nuutste Oudtshoorn, Hessequa, Klein Karoo nuus'
