OUDTSHOORN SAKENUUS - As kwaliteit vleis, persoonlike
diens en 'n silwerskoon werkplek jou ideale slaghuis is, is Aandiebrand Vleismark in Jacobsonstraat naby Pennypinchers, beslis 'n besoek werd.
Hierdie nuwe slag-huis wat deur die Vermeulen-gesin bedryf word is reeds, binne minder as 'n maand besig om sy merk te maak en dit is veral hulle boere-wors waarop hulle kan roem. Aandiebrand Vleismark is beslis nie sommer net nog 'n slaghuis nie.
Hannes Vermeulen vertel dat hy en sy gesin besluit het om 'n slag-huis oop te maak wat kwaliteit vleis in 'n silwerskoon area voor te berei en verkoop. "Ons hele gesin is betrokke, want dit wat ons bied is ons almal se trots en passie en mens kan net persoonlike diens en kwaliteit produkte lewer as jy self daar is," vertel hy trots terwyl hy die slaghuis se produkte wys.
"Ons roem op ons boerewors. Ons maak dit volgens 'n familieresep met net die beste kwaliteit vleis en geen bymiddele en onnodige bestanddele nie."
Maar, sê Hannes, dis nie net
boerewors wat kliënte na die netjiese slaghuis sal lok nie. "Dieselfde moeite en sorg wat in ons boerewors ingaan, gaan ook in al ons ander kwaliteit produkte soos maalvleis, steaks, skaap en lam, vark en hoender in. Kom probeer ook gerus ons sosaties, kaaswors, ribrolletjies, vark vlegsels en moenie ons heerlike biltong, droëwors en ander lekkernye vergeet nie."
Behalwe vir die wye reeks vleisprodukte is daar ook heerlike kerrievis, Jireh kaas, Outeniqua eiers, Rica kouevleis en Smokey Joe speserye op die rakke van Aandebrand Vleismark.
Die Vermeulens het 'n aantal jare in die Kamanassie-omgewing met uiesaad geboer en baie lief geraak vir Oudtshoorn en sy mense.
Vleisliefhebbers en veral mense wat uitsoek boerewors soek kan gerus by Aandiebrand slaghuis in Jacobsonstraat net voor die groot sirkel by Pennypinchers 'n draai gaan maak.
Aandiebrand is weeksdae vanaf 07:00 tot 18:00 en Saterdae vanaf 08:00 tot 14:00 oop.
Skakel hulle gerus by 044 279 1383 vir meer inligting oor hulle diens en produkte.
Hannes Vermeulen en sy span staan gereed om kliënte persoonlik te bedien.
Die familiespan span van Aandiebrand Vleismark voor die netjiese perseel. Voor van links is Ronel, Leané en Amanda Snyders met Josua, André, Merwede en Hannes Vermeulen agter hulle. Foto's: Hannes Visser
'Ons bring jou die nuutste Oudtshoorn, Klein-Karoo nuus'
