SUID-KAAP NUUS - 'n Groot verskeidenheid veteraantrekkers van die Suid-Kaap Veteraantrekker- en implementeklub sal weer soos verlede jaar by die 2017 George-lndbouskou ten toon gestel word.
Gratis sleepwaritte (op eie risiko) sal met van die veteraantrekkers en waentjies vir skougangers beskikbaar wees. Weens groot belangstelling en opgewondenheid tydens verlede jaar se skou, sal daar vanjaar weer kragte gemeet word tussen toutrekspanne en van die veteraantrekkers.
'n Nuwe hoogtepunt vanjaar is 'n demonstrasie van grondvoorbereiding tot en met die saai van saad. Dit sal op Saterdag 26 Augustus vanaf 11:00 reg agter die ovaalbaan plaasvind.
Later Saterdagmiddag sal daar op die ovaalbaan 'n kompetisie tussen veteraantrekkers aangebied word.
Skougangers sal teen 'n minimale bedrag kan poseer by die 1962 Massey Ferguson trekker wat pienk en pers gerestoureer is in medelye met almal wat die geveg teen kanker verloor het.
Almal word uitgenooi om die bedrywighede van die Suid-Kaap Veteraantrekker- en implementeklub by vanjaar se George-landbouskou vanaf 24 tot 26 Augustus te ondersteun.
'Ons bring jou die nuutste Tuinroete, Karoo, Hessequa nuus'
