OUDTSHOORN NUUS - Die Suid-Kaap Bonsmaraklub hou op 3 September ‘n boeredag en algemene jaarvergadering by die Kansa Veilingskrale buite Oudtshoorn.
“Ons gaan by die boeredag gesels oor wat die suksesvolle veeboere in Suid-Afrika doen en waar hulle die klem plaas ten einde goeie produksie te handhaaf,” sê Johan Mouton, hoofspreker tydens die boeredag.
Volgens Mouton word veeboerdery onder ‘n verskeidenheid omgewings- en bestuurstoestande in Suider-Afrika bedryf. “Ten spyte van hierdie wyd uiteenlopende benaderings word ekonomiese welvaart onder verskillende bestuursbenaderings geskep.”
- Daneel Rossouw, wat meer sal sê oor die tendense en vooruitsigte vir landbou en veral die veebedryf;
- Ivan van Niekerk sal vertel hoekom ‘n entprogram belangrik is;
- Isolde van Niekerk van SA Stamboek verduidelik die veilingkatalogus, ‘n belangrike hulpmiddel by die seleksie van diere;
- Stefan Barkhuizen sal gesels oor die rede dat voerkrale kwaliteit kalwers soek; en
- Justin Stirk van Goodwoods Bonsmaras (Port Alfred/Grahamstad) sal ‘n praktiese demonstrasie in die ring waarneem.
Vir meer inligting, kontak Hennie Potgieter by 082 858 3400 of 044 213 3361.
'Ons bring jou die nuutste Mosselbaai, Tuinroete nuus'
