LANDBOU NUUS - Die Philipstown jongooi-skou en kuddekompetisie word al vir baie jare aangebied en dit raak elke jaar net groter en beter.
Die jongooi-skou werk soos volg:
2. Hierdie ooitjies loop vir die volgende 12 maande in een groep by een van die boere.
3. Hulle word ‘n jaar later, tydens die skoudag, geskeer en geweeg.
4. Die wolwaarde en die groei in vleiswaarde oor die 12 maande periode word dan bereken.
5. Hieruit word die wenners aangewys.
6. Gewoonlik nooi die deelnemers ‘n gasdeelnemer uit om ook 6 jong ooie in te skryf en waarteen die deelnemende ooie gemeet word. Die gasdeelnemer is gewoonlik ‘n bekende teler in die omgewing.
Die algehele wenner by die jongooiskou vanjaar was Mnr Herman Venter van die plaas Bokkraal, Philipstown. Hy het die beste groep en ook die beste individuele ooi ingeskryf.
Die tweede aktiwiteit is die kuddekompetisie. Boere skryf vyf jongooie van so ongeveer 16 maande ouderdom in. Elke groepie word volgens kuddekompetisie norme beoordeel en gepunt. Mededinging vind in twee klasse mee, te wete langwol en kortwol. Hierdie beoordeling word jaarliks deur Gawie van Wyk van die NWKV (Carnarvon) gedoen. Tydens die beoordeling word verskillende onderwerpe rondom wolskaapboerdery deurlopend met die boere bespreek.
Die wenner in die langwol groep was Mnr Freddie Kock van Hanover en die kortwol wenner was Mnr Dickie Vermeulen van Philipstown.
Artikel: Gawie van Wyk, NWKV Produksie Adviseur, Carnarvon, Noordkaap
