Klein Karoo Fuels open twee vulstasies

Klein Karoo Fuels is opgewonde om twee bestaande vulstasies in Oudtshoorn by sy netwerk te verwelkom. Die uitbreiding bied aan plaaslike motoriste en bestaande rekeninghouers nog meer gerief en toegang tot die onderneming se dienste.Oudtshoorn Astron, geleë in Voortrekkerweg, is op 1 Oktober amptelik deur Klein Karoo Fuels oorgeneem. Die tweede toevoeging, Oudtshoorn Engen, is op 22 Oktober oorgeneem. Dié vulstasie, voorheen bekend as Rainbow Motors, is aan die regterkant geleë wanneer motoriste Oudtshoorn in die rigting van George verlaat. Biede vulstasies se oorname is amptelik Maandag 2 November gevier. Bestaande rekeninghouers van Klein Karoo Fuels kan hul rekeninge ook by albei die nuwe vulstasies gebruik. Die uitbreiding versterk Klein Karoo Fuels se teenwoordigheid in Oudtshoorn en bied aan kliënte meer opsies om van die onderneming se dienste gebruik te maak.