PRINS ALBERT NUUSFLITS - ‘n Unieke kunsuitstalling, beyond Beyond van die kunstenaar Kali van der Merwe, is tot die naweek in die Prince Albert Gallery.
Die blomme en insekte in haar skilderye lééf deur beweging en helder kleure.
Tog is dit juis hul dood wat haar inspireer om hulle deur fotografie en verf op 'n doek vas te vang.
Brent Phillips-White, kurator van die kunsgalery sê Van der Merwe se uitstalling is een van die uitsonderlikstes wat nog hier plaasgevind het.
Dit was al lankal 'n droom van hom om Van der Merwe, van Baardskeerdersbos in die Overberg, se werke na die Karoo te bring nadat hy haar skilderye in 'n kunsgalery op dié dorp raakgeloop het.
Die beelde is geskep deur 'n kombinasie van fotografie en skilderkuns, en sy vang insekte en blomme vas deur 'n proses van langer beligting deur die kameralens, binne die helderheid van 'n voortdurend bewegende ligbron.
Lees meer in Vrydag se Oudtshoorn Courant, asook aanlyn.
'Ons bring jou die nuutste Prins Albert, Klein Karoo nuus'
