PRINS ALBERT NUUS - Prins Albert was die afgelope aantal weke soos ‘n mini Hollywood met ‘n filmspan en akteurs wat ‘n Afrikaanse fliek op die dorp geskiet het.
Die fliek, Liewe Kersvasder vertel die storie van ‘n meisie, Nonnie. wat 'n dorp se mense bymekaar moes bring om te keer dat haar familie uitmekaarval.
Regisseur en draaiboekskrywer, Etienne Fourie, en sy filmspan het bekendes in die filmwêreld soos Morné Visser, Milan Murray, June van Merch en Melt Sieberhagen vir die hoofrolle gekies. Fourie het voorheen naam gemaak as regisseur van die Dis koue kos, skat en Die windpomp.
Inwoners van Prins Albert is gekies vir kleiner rolle soos die predikant, kerkraadslede, vroue wat bak en brou en handwerk doen, en mans wat bedrewe is met houtwerk... verkieslik manne met baarde. Daarvoor het Prins Alberters dadelik ingestaan.
Vir die verfilimg moes die geskiedkundige NG pastorie tydelik rooi geverf word.
Louis van Brakel, gastehuiseienaar op Prins Albert, doen 'n oudisie vir die rol van 'n plattelandse predikant.
Lynelle Claassen van Prins Albert voor die kameras in die saal van die NG kerk - 'n oudisie vir 'n kameerol.
Die pastorie is tydelik in rooi getooi en moes weer na die verfilming wit geverf word.
ARTIKEL & FOTO'S: MARLENE MALAN
'Ons bring jou die nuutste Prins Albert, Klein Karoo nuus'
