OUDTSHOORN NUUS - Die FNB Classic Clashes tussen Hoërskool Punt en Langenhoven Gimnasium vind Saterdag in Mosselbaai plaas en die spanne is oorgehaal vir die wedstryde. Die interskole is 'n sportgebeurtenis wat jaarliks vir langer as 20 jaar plaasvind. Daar word meegeding in hokkie, rugby en netbal.
Beide skole het 'n ryk geskiedenis.
Langenhoven Gimnasium se geskiedenis strek terug na 1913 toe die NG kerk industriële skole gestig het om seuns die kans te bied om selfstandig en onafhanklik te raak. Die skool het baie veranderinge onder verskillende name deurgemaak voordat dit uiteindelik in 1993 die naam Langenhoven Gimnasium gekry het. Die bekende skrywer en digter, CJ Langenhoven, word al jare lank met die skool geassosieer, en die leerders streef om die naam van die geëerde skrywer hoog te hou.
Die hart en siel van die skool is arbeid. "Werk hard en jy sal kom waar jy wil wees," die skoolwapen verteenwoordig dan ook daardie filosofie. Volgens Morné Jonker, die skool se sport-organiseerder, is vanjaar se interskole weer 'n groot uitdaging vir Gimmies.
"Elke jaar bring 'n nuwe uitdaging en ons vat dit maar soos dit kom. Na elke wedstryd word daar besin en bou ons met die beskikbare materiaal, juis met die oog op Augustusmaand se interskole. Ons leerders is altyd baie opgewonde oor dié dag, en ek is seker dit sal nou ook weer so wees."
Hoërskool Punt het in 1878 ontstaan in 'n klein geboutjie by die see. Eers in 1906 is daar met planne vir 'n nuwe skool begin en in 1909 is die laaste steen gelê. In 1921 is die Jongenskool en Meisieskool saamgevoeg om amptelik Hoërskool Punt te word. Vandag is die skool trots op sy diversiteit onder sy studente, in kultuur en agtergrond. Vir die interskole dié jaar is die Visse slaggereed om op hulle tuisveld hul staal te toon.
"Ons is bly die interskole is vanjaar op ons eie werf," sê Marais Pelser, sportorganiseerder van Hoërskool Punt. "Ons hoop dit sal vir ons tot voordeel wees, maar interskole is baie onvoorspelbaar, so ons sal maar sien. Op die oomblik hoop en vertrou ons die dag sal, soos altyd, 'n reusesukses wees, veral vir die kinders, vir wie die hele geleentheid eintlik bedoel is."
Wat sê die kapteins?
Die eerstespan kon twee jaar laas daarin slaag om 'n beker terug te bring huis toe. 'n Oorwinning in die huidige kragmeting, sal nie net vir die spanlede baie beteken nie, maar ook hulle selfvertroue weer 'n hupstoot gee. Die span is vasbeslote om nie weer met leë hande terug te kom nie. Die span oefen lekker, en ek is heel positief oor ons kanse hierdie jaar. Ons het baie goed voorberei en ek is se-ker ons gaan Langenhoven weer trots maak.
Elsje Potgieter, kaptein van die eerste netbalspan en Tania van der Linde die afrigter.
Verlede jaar het Langenhoven se eerste meisiehokkiespan die spit teen die Visse afgebyt. Maar dit gaan hierdie keer 'n ander storie wees. Ons is baie goed op dreef en aan motivering en vasberadenheid ontbreek dit nie. Ons gaan die naweek probeer om tot die liga's deur te dring. Die span oefen nou al die hele jaar lank baie hard, en ons sien met vertroue uit na die naweek se wedstryd. Tot dusver het ons nog nie 'n wedstryd verloor nie en ek is seker ons sal nie ons skool hierdie jaar te-leurstel nie.
Annelie Knoetze, afrigter, en Anneke Knoetze, kaptein. van die eerste meisiehokkiespan.
Verlede jaar het Langenhoven se eerste rugbyspan daarin geslaag om die Visse in die eindstryd te klop en sodoende die beker huis toe te bring. Ons wil hierdie graag die tweede oorwinning in 'n ry maak. Alhoewel die span 'n moeilike seisoen agter die rug het, is ek vol selfvertroue oor ons kanse. Ons het vier baie sterk spelers verloor, maar jy sal dit nie sê nie. Ons speel hard en ons gaan ons heel beste doen om die beker hier te hou.
Gimmies se eerstespan afrigter, Alewyn Vorster en kaptein, Duan Terreblanche.
Verlede jaar se goeie oorwinning het baie vir die moraal van die span beteken ons is slaggereed vir die naweek se wedstryd. Daar heers 'n goeie gees onder die spelers; ons is jonk en gesond en gereed vir die wedstryd. Verlede jaar se oorwinning was geen gelukskoot nie, ons is reg voorberei om dit weer te doen.
Stephan Ruschenbaum, kaptein van die eerste seunshokkiespan en Andreas Schultz, die afrigter van die span.
Program vir Interskole
Hokkie
A Veld
08:30 - o.14 A Seun
09:20 - o.16 A Mesisies
10:10 - o.18 A Meisies
11:00 - o.16 A Seuns
11:50 - o.18 A Seuns
B Veld
08:30 - o.14 A Seun
09:20 - o.16 A Meisies
11:00 - o.14 A Meisies
C Veld
08:30 - o.14 B Meisies
Netbal
08:30 - o.17 A
09:15 - o.17 B
10:55 - o.14 B
Baan B
08:30 - o.16 B PUNT vs o.15 A Gim.
09:15 - o.14 A
10:55 - o.16 A
11:00 - o.18 A
Baan C
08:30 - o.18 C
09:15 - o.18 B
10:55 - o.16 C Punt vs o.15 B Gim
Rugby
A Veld
08:30 - 09:30 - o.14 A
09:30 - 10:30 - o.15 A
10:30 - 11:40 - o.16 A
11:40 - 13:00 - o.19 B
C Veld
09:30 - 10:30 - o.14 C
10:30 - 11:40 - o.15 C
11:40 - 13:00 - o.16 C
Einde van die dag
13:00 - 13:40 - Middagete by Huis Pepler
13:40 - 14:10 - Optog en Seremonie
14:10 - 15:40 - o.19 A
15:40 - BEKER OORHANDIGING
'Ons bring jou die nuutste Oudtshoorn, Klein Karoo nuus'
