OUDTSHOORN NUUS - Die Eden-sportraad, die departement van kultuursake en sport en die George-munisipaliteit span saam om die Eden se sportlui vir hulle
prestasies in 2015 te vereer. Dit vind vanjaar plaas in die burgersentrum in George op Vrydag 6 November.
Verskeie hoogwaardigheidsbekleërs uit die sportwêreld en die Wes-Kaapse departement van kultuursake en sport sal die geleentheid bywoon. Die burgemeester van George, Charles Standers, het in die verlede alreeds genoem dat dit as een van die groot gebeurtenisse op die sportkalender in Eden maar ook in George, gesien word.
Sportprestasies tussen 1 Oktober 2014 en 31 Oktober 2015 word in ag geneem. Die wenners van die kategorieë word outomatiese finaliste vir die Wes-Kaap Sporttoekennings wat later vanjaar in die Boland sal plaasvind.
Alle Eden-sportfederasies word uitgenooi om hulle top-sportpersone, afrigters en administrateurs te nomineer – daar is soveel talent in die Eden-distrik! Alle federasies wat finansiering vanaf die departement van kultuursake en sport ontvang het, moet volgens ooreenkoms persone nomineer.
Die publiek kan ook nomineer, maar alle nominasies moet op die voorgeskrewe nominasievorm gedoen word en deur die rele-vante Eden-sportfederasie goedgekeur word.
Nominasievorms kan by die sekretaris, Dave van der Walt by (sportcouncil.eden@gmail.com) gekry word of op die webuiste www.edensc.co.za
Daar is al die afgelope jaar soveel topprestasies deur sportpersone uit die Eden-distrik gelewer – gholfspelers, fietsryers, rolbal, toutrek, tennis, atletiek – om maar net 'n paar te noem!
Die volgende kategorieë word vanjaar aangebied:
Kategorieë
1 Administrateur van die jaar
2 Afrigter van die jaar
3 Plaaswerker sporttoekenning van die jaar
4 Nuweling sportpersoon van die jaar
5 Erkenning vir tegniese uitnemendheid
6 Federasie van die jaar
7 Span van die jaar
8 Inheemse sportster van die jaar
9 Laerskool sportman van die jaar (veelsydigheid)
10 Laerskole sportvrou van die jaar (veelsydigheid)
11 Skole sportman van die jaar
12 Skole sportvrou van die jaar
13 Sportvrou met gestremdheid van die jaar
14 Sportman met gestremdheid van die jaar
15 Riaan Loots Sporttoekenning (bydrae tot bekamping van geweld in sport)
16 Junior sportvrou van die jaar (o.23)
17 Junior sportman van die jaar (o.23)
18 Sportvrou van die jaar
19 Sportman van die jaar
20 Vrywilliger van die jaar
21 Skool sportspan van die jaar (alle vlakke)
22 Skool ontwikkelingspan van die jaar
23 Sport gemeenskapsbouer van die jaar
24 Lifetime Achiever
25 Legende toekennings
26 Ererol
27 Sportjoernalis van die jaar
28 Sportfotograaf van die jaar
Vir enige verdere inligting kan die voorsitter, Rudi Claassen (083 500 4877 / rudolphclaassen9@gmail.com) of die sekretaris, Dave van der Walt (082 773 4901 / sportcouncil.eden@gmail.com) kontak.
'Ons bring jou die nuutste Oudtshoorn, Klein-Karoo nuus'
