OUDTSHOORN NUUS - Attie Engelbrecht van Oudtshoorn spog met die Hoër Landbouskool Oakdale se rekordtyd in die o.19 110m-wedloop.
Engelbrecht het sy tyd van 16:40 opgestel tydens die skool se onlangse kleure-atletiekbyeenkoms.
Tien individuele- en drie aflosrekords is tydens die byeenkoms verbeter.
Die Rooispan het vanjaar met die louere weggestap.
Creflo Witbooi (seuns o.14 110 m-hekkies) met 'n tyd van 15:80, Blayne Primo (seuns o.14 300 m-hekkies) met 'n tyd van 46:20, asook in die 200 m met 'n tyd van 26:00, Trevino Gordon (seuns o.15-driesprong) met 'n afstand van 12,11 m, Janco Klinck (seuns o.15 100 m-hekkies) met 'n tyd van 15:00, asook in die 300 m-hekkies met 'n tyd van 44:00, Nicolus van Eeden (seuns o.17 400 m-hekkies) met 'n tyd van 61:20, De Wet Lourens (seuns o.19-driesprong) met 'n afstand van 13:22 m, en Adré Smit (seuns o.19-gewigstoot) met 'n afstand van 15,22 m.
Die Rooispan se seuns o.14-aflosspan verbeter die rekord met 'n tyd van 51:40.
Die Senior Victor Ludorum, met 'n totaal van 2320 punte, is deur Renaldo Ferreira ingepalm.
Janco Klinck is vir die tweede agtereenvolgende jaar die Junior Victor Ludorum. Oor drie items versamel hy 2081 punte volgens die ASA-tabel.
Beide hierdie atlete is ook in 2014 met hierdie toekennings vereer.
'Ons bring jou die nuutste Oudtshoorn, Klein-Karoo nuus'
