OUDTSHOORN NUUS - 'n Voertuig met vier insittendes was gistermiddag, Donderdag 31 Maart, naby Ou Tol op die Grottepad in 'n ongeluk betrokke.
Volgens inligting wat die Oudtshoorn Courant ontvang het, het die bestuurder van die voertuig grond aan die linkerkant van die pad getref en toe beheer verloor.
Die voertuig het na die regterkant van die pad gegaan en die pad verlaat.
Hulle was op pad na Oudtshoorn.
Die bestuurder en die drie passasiers is nie ernstig beseer nie en is na 'n hospitaal op Oudtshoorn geneem.
'Ons bring jou die nuutste Oudtshoorn, Klein Karoo nuus'
