OUDTSHOORN NUUS - Te danke aan Oudtshoorniete se warm harte ontvang Klipdrif Primêr, op die George-pad, genoeg bestanddele om pouses vir die leerders sop te maak.
Die sopkombuis-projek is in April vanjaar deur Hester Grint, 'n inwoner van Oudtshoorn, begin en sedertdien het inwoners op 'n gereelde basis bestanddele geskenk.
Gerhard du Toit, ook 'n inwoner van Oudtshoorn, is een persoon wat ten minste een keer 'n week, soms selfs twee keer 'n week bestanddele by die Oudtshoorn Courant se kantore aflewer.
"Dit gaan vir my oor teruggee aan die gemeenskap. As Christen probeer ek hard om mense te help en ek probeer maar op die manier my Christenskap uitleef," het hy gesê.
Die Oudtshoorn Vryburgers gee elke maand R1 000 vir bestanddele vir die sopkombuis en Butchers Grill gee ook op 'n gereelde basis hul deel.
Janet Raubenheimer is besig om serpe vir die kleuters van die skool te brei en dit sal volgende week by die skool afgelewer word.
Mense en instansies wat 'n bydrae tot die projek wil maak kan die Oudtshoorn Courant by 044 272 8918 kontak of bestanddele by die koerant se kantoor by Voortrekkerweg 70 afgee.
Klik hier vir verwante artikels:
- Skooltjie dankbaar vir sop
- Oudtshoorn maak harte oop
- Skool geïdentifiseer vir sopkombuis
- Skenk pakkies sop vir sopkombuis
- Winter sopkombuis-projek vir kinders
ARTIKEL: LIEZL VAN NIEKERK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
