OUDTSHOORN NUUSFLITS - Die Oudtshoorn Courant het na ‘n lang proses die Facebook-blad opgespoor waarop die gewraakte rassistiese kommentaar van Vuyisa Forplay geplaas was.
Forplay is 'n afdelingsbestuurder by die Oudtshoorn-munisipaliteit.
Daar was landswyd reaksie oor sy kommentaar waarin hy op 20 Oktober uitspraak teen wit mense gemaak het.
Oorsprong
‘n Facebook-gebruiker, 'H le R' het op 19 Oktober op sy eie Facebook-blad 5 foto’s geplaas oor ‘n jong man wat tussen betogende student in Johannesburg ingery het en wat daarna aangeval is.
Van die heel eerste kommentaar op 'H le R' se Facebook-plasing het reeds rassistiese opmerkings bevat wat by tye baie erg geword het.
Sy Facebook-plasing het teen vandag 3178 kommentare en 15 413 'shares' tot gevolg gehad.
In ‘n groot aantal van die kommentare word daar wedersyds deur swart en wit mense dreigemente en beledigings na mekaar geslinger en Forplay se kommentaar was een van die 3178 kommentare wat geplaas is. Sy kommentaar was ‘n dag na die plasing gedoen en was ongeveer 1700ste op die lang lys.
Van die kommentare wat geplaas is laat 'n mens stom van verbasing dat 'H le R' dit nie verwyder het nie.
‘n Regskenner van sosiale media het vanoggend per e-pos bevestig dat persone wat rassistiese uitlatings op hulle Facebook-blaaie toelaat en nie pogings aanwend om dit te verwyder nie, net soos die persoon wat kommentaar gelaat het vervolg kan word.
Hier is slegs drie van die duisende kommentare op 'H le R' se Facebook-blad waardeur die Oudtshoorn Courant vanoggend gesif het.
- And for the white guy who got attacked by the …xxxxxxx ... All I can say is get a gun ... And kill these stinking black trash .. One by one .... xxxx them xxxx there mothers ... And xxxx who ever likes a darkie
- Willie, he wanted to run over protesting students he wanted to harm them, yes i said it they should have killed him!!!
- Where are those Marikana cops when you need them
* Die munisipaliteit is besig met ‘n ondersoek oor die kommentaar wat Forplay gelaat het.
Rassistiese kommentaar wat ‘n amptenaar van die Oudtshoorn-munisipalitet op iemand se Facebook-blad geplaas het, is besig om landwyd uit te kring.
Lees meer in Vrydag se Oudtshoorn Courant, asook aanlyn.
ARTIKEL: HANNES VISSER, OUDTSHOORN COURANT-REDAKTEUR
'Ons bring jou die nuutste Oudtshoorn, Klein-Karoo nuus'
