OUDTSHOORN NUUS - Die verhoor van die voormalige hoof van die Eljada Nasorgsentrum vir Volwassenes met Ge-stremdhede op Oudtshoorn, prof. Machiel Potgieter (73), is Woensdag onverwags verdaag.
Streeklanddros Daniel Boks het die saak op versoek van die staat en die verdediging tot 21 Junie uitgestel.
Volgens hom het die staat en die verdediging ooreengekom dat pogings aangewend moet word om die materiaal te trans-kribeer omdat dit ook makliker sal wees vir die getuie om iets skriftelik voor haar te hê wanneer sy getuig.
"Dit sal rompslomp vermy," het Broeksma gesê.
Die landdros het ingestem dat dit in belang van geregtigheid sal wees om aan die versoek te voldoen.
* Potgieter se eggenote is Maandag deur die landdros beveel om die hofsaal te verlaat omdat sy gelag het vir die ge-tuienis van die verstandelik ge-stremde klaer.
Potgieter, wat tussen 2008 en 2010 hoof van die sentrum was, staan tereg op klagtes dat hy sy 31-jarige peetkind verkrag het.
Sy vrou is toegelaat om die hofverrigtinge op kringtelevisie te volg nadat die landdros die verdediging se aansoek dat die klaer se getuienis in camera gelewer word, goedgekeur het.
'n Sielkundige het vroeër getuig dat die klaer verstandelik met 'n tienjarige vergelyk kan word.
Adv. Michelle Weyers is die aanklaer in die saak.
Klik hier vir vorige artikels:
- Saak teen oudhoof uitgestel
- Potgieter-saak steeds nie afgehandel
- Potgieter-saak sloer steeds
- Saak teen voormalige hoof weer uitgestel
- Saak teen voormalige hoof weer uitgestel
- Professor se verkragtingsaak uitgestel
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudtshoorn, Klein Karoo nuus'
