Die man is Sondag in hegtenis geneem nadat 'n meisie van die dorp dié klag gelê het.
Die netjies geklede amptenaar het voor die hofverrigtinge met sy prokureur, Christo van der Bergh van Oudtshoorn, onderhandel.
Die aanklaer, Marvon de Vos, het aan landdros Tom Claassen gesê die polisie is nog besig om die saak te ondersoek.
Die eenheid vir seksuele misdrywe op Beaufort-Wes hanteer die ondersoek.
Die man is nie gevra om te pleit nie en die saak is uitgestel tot aanstaande Dinsdag, 25 Oktober, wanneer die amptenaar om borgtog aansoek sal doen. "Dit gee die staat genoeg kans om die saak te ondersoek," het Van der Bergh gesê.
Die man bly tot dan in hegtenis.
Volgens Anneleen Vorster, woordvoerder van die munisipaliteit en bestuurder: korporatief en gemeenskapsdienste, gaan die munisipaliteit nie in hierdie stadium kommentaar lewer nie.
ARTIKEL: MARLENE MALAN
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
