OUDTSHOORN NUUSFLITS - Misdaad is deel van ons samelewing en dikwels sien die gemeenskap misdaad plaasvind, maar is te bang om dit aan te meld, of is onseker hoe en waar om dit aan te meld.
Volgens kaptein Louis Visser, Oudtshoorn-polisiewoordvoerder, is daar verskeie maniere waarop misdaad of verdagte bedrywighede by die polisie aangemeld kan word.
Om misdaad anoniem aan te meld kan die polisie se tolvrye misdaadlyn 08600 10111 geskakel word of 'n SMS kan aan 32211 gestuur word.
Volgens Visser is die misdaadlyn al sedert 1992 met groot sukses in gebruik en die identiteit van informante is nooit bekend gemaak nie. Hy doen 'n beroep op mense om soveel inligting as moontlik deur te gee om die ondersoek te vergemaklik en verdagtes te identifiseer.
Visser wys die publiek daarop dat misdaadinligting of die aanmelding van misdaad eerder by die radiokamer van die SAPD gedoen kan word. Die telefoonnommers daar is: 044 203 9022, 044 203 9089 en 044 203 9090.
Visser het ook die volgende kontaknommers in die Oudtshoorn-omgewing beskikbaar gestel met die voorstel dat lesers die nommers uitknip en iewers plak waar dit dadelik beskikbaar is wanneer die polisie benodig word.
• Noodnommer 10111
• Misdaadlyn 08600 10111
• SMS-lyn 32211• Radiokamer 044 203 9022, 044 203 9089 en 044 203 9090
• SAPD Skakelbord 044 203 9000
Dienssentrums:
• Oudtshoorn 044 203 9014• Bridgton 044 203 9162
• Bongulethu 044 274 1707
• Speurdiens 044 203 9179
• Sektor 1 (Bongolethu en Toekomsrus) Kapt. Strydom 082 522 3207
• Sektor 2 (Bridgton) Kapt. Nortje 079 893 9969
• Sektor 3 (Dorp) Kapt. Du Plessis 082 821 1027
• Sektor 4 (Plase) AO Basson 082 444 2370
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
