PRINS ALBERT NUUS - Herstelwerk aan die Swartbergpas het Woensdag begin nadat sowat 2,5 km van die pad vroeg in April in 'n vloed verwoes is.
Dit kom nadat die Wes-Kaapse minister van vervoer en openbare werke, Donald Grant, dit as 'n prioriteitsprojek geklassifiseer het en Erfenis Wes-Kaap verlede Vrydag 'n noodpermit uitgereik het sodat die werk kan begin.
Erfenis Wes-Kaap was die enigste instansie wat se goedkeuring nog uitstaande was, nadat die departement vervoer en paaie, water en sanitasie en omgewingsake, asook die Sentraal-Karoo-distriksmunisipaliteit (SKDM) en die Prins Albert-kultuurstigting die groen lig gegee het vir die aanvang van die werk.
Grant het Prins Albert sowat twee weke gelede besoek en aan bekommerde inwoners die versekering gegee dat hy dit as voorkeur-herstelwerk beskou, omdat hy weet Prins Albert se toerisme en sakeondernemings ly erg onder die afname in besoekers aan die dorp weens die skade.
Klik hier vir vorige artikels:
- Swartbergpas: Herstel is prioriteit
- Swartbergpas: Herstelwerk beplan
- Prins Albert: Groot skade na reën
Lees meer in môre se Oudtshoorn Courant, asook aanlyn.
ARTIKEL: MARLENE MALAN
'Ons bring jou die nuutste Prins Albert, Klein Karoo nuus'
