OUDTSHOORN NUUS - Die Oudtshoorn Courant het verlede week berig van die NG kerk Welgeluk se teddiebeer-projek.
Dis ’n deurlopende projek wat ten doel het om teddiebere uit te deel aan instansies soos die ambulansdienste en hospitale waar soveel kinders seer ervaar en iets nodig het om te vertroetel.
Van die teddiebere gaan ook met die gemeente se uitreik na Zimbabwe in 2016 aan kinders daar gegee word.
verduidelik wat alles benodig word vir ’n teddiebeer en hoe om dit te brei. Laat die vingers begin wikkel.
Benodigdhede en patroon
1 x 100 g dubbeldraad wol
1 pr 4.5 mm breinaalde
- Stel 12 steke op
- Brei 40 rye regs
- Heg af
- Herhaal vir 2de been
- Met die 2 bene op die naald, brei oor die 24 steke regs vir 30 rye
- Heg 14 steke aan die einde van ry 30 aan vir die arm
- Brei terug en heg aan die einde van ry 31 weer 14 steke aan vir ander arm (totaal van 52 steke op breinaald)
- Brei nou 13 rye en heg 16 steke af aan die kant wat eerste aangeheg was
- Brei terug en heg weer 16 steke af (20 steke bly oor vir kop)
- Brei een ry regdeur
- Met 20 steke vermeerder 1 na elke 4de steek sodat daar weer 24 steke op naald is
- Brei 28 rye en heg af
- Werk aanmekaar en los kop bo oop om stopsel in te sit
- Werk dan toe en werk ogies en neusie op
- Moenie knope of voorwerpe aanwerk nie, kleintjies kan dit afbyt en verstik of versmoor.
Indien enige lesers meer inligting rakende die projek wil bekom, kan hulle vir Erika Fourie by 044 272 0389 of ds. Andries Potgieter by 044 272 5286 of 084 514 2178 kontak.
Brei die teddiebere
'Ons bring jou die nuutste Oudtshoorn, Klein-Karoo nuus'
