CALITZDORP NUUS - Boplaas Familie Wingerde in Calitzdorp se Touriga Nacional 2015-rooiwyn het pas ‘n silwer medalje verwerf by die International Wine & Spirits Competition in Engeland.
Dieselfde wyn is ook vroeër vanjaar by die Cape Port & Wine Challenge as een van die Top 10-rooiwyne aangewys
Touriga Nacional word beskou as die koning-variëteit in Portugal.Boplaas word beskou as 'n top produsent van rooiwyn van Portugese variëteite en sy vlagskip, die Gamka ('n versnit van Touriga Nacional en ander rooi druiwe) het 'n uitnemende 91 punte behaal na beoordeling deur die vermaarde Britse Wynmeester, Tim Atkins.
Nog een van die juwele in hierdie Klein Karoo-wynmakery se kroon is die Boplaas Cape Winemakers Guild Daniel’s Legacy Cape Portuguese Red Blend, wat met ‘n skitterende prestasie van 93-punte deur die Wine Spectator beloon is.
Vanjaar is daar ook twee van Boplaas se wyne gekies om deel uit te maak van die gesogte jaarlike veiling van die Kaapse Wynmakers Gulde, naamlik Boplaas Ox Wagon CWG Auction Reserve-brandewyn en die Boplaas CWG Cape Vintage Reserve Port 2009.
Die Gulde bestaan uit ‘n die room van die Suid-Afrikaanse wynmakers en Carel Nel van Boplaas is die enigste lid in die Suid-Kaap wat tot hierdie uitgelese groep behoort.
'Ons bring jou die nuutste Calitzdorp, Klein Karoo nuus'
