Halfaya Pass Shellhole ontvang oud veterane tydens besoek

Lede van die Oudtshoorn MOTH Halfaya Pass Shellhole in Oudtshoorn het Vrydagaand 30 Mei 'n groep van 16 oud weermag- veterane verwelkom wat in Oudtshoorn aangedoen het as deel van 'n fondsinsameling-veldtog vir oud weermag-veterane.Hulle was almal destyds in dieselfde peleton by die Infanterie-skool in Oudtshoorn.Die groep onder leiding van Adriaan van der Westhuizen 1 400km vanaf Johannesburg na Oudtshoorn fietsgery het, terwyl 'n kleiner groep onder leiding van Nantie Fourie 'n 100km vasbytstap vanaf Caltizdorp verby Groenkloof na Oudtshoorn gedoen waar die twee groepe mekaar ontmoet het.Tydens Vrydagaand se verrigtinge is hulle hartlik verwelkom en is heelwat oud-weermag stories uitgeruil. Die groep is ook op 'n begeleide toer geneem deur die Halfaya Pass Shellhole se unieke museum met 'n uitgebreide versameling van weermag items - hier is 'n wyle vertoef terwyl die uitstalling meer herinneringe opgeroep het. Spesiale sertifikate van waardering is aan die oud-soldate oorhandig waarna daar gesellig gekuier is.