Gesin verloor alles in brand

'n Gesin van Hopeville, Oudtshoorn sit in sak en as nadat hul informele-struktuur vir die tweede keer aan die brand gesteek is.Die voorval het Woensdagoggend 22 Januarie gebeur.Daphné Davids en haar twee jongste kinders, Liam (19) en Shayne (10) moet nou vir die tweede maal al hul besittings vervang. In gesprek met gemeenskapslede noem hulle dat hulle nou hul voet neergesit het en aangedring het dat Davids 'n saak teen haar oudtse seun oopmaak aangesien hulle van mening is hy kan die oorsaak wees dat die hele woongebied kan afbrand.Een van die dames wat verkies om anoniem te bly noem dat daar baie klein kinders is wat hier woon. "Wat as 'n gaskan ontplof?".Die polisie en speurders was op die toneel en is die verdagte in hegtenis geneem.Oudtshoorn Courant het navraag gerig by sers. Chris Spies, Suid-Kaapse polisiewoordvoerder rakende die voorval.