'n Betroubare bron het aan die Oudtshoorn Courant gesê dat hy dikwels snags kettingsae hoor en dan die volgende dag op plekke afkom waar doringbome afgesaag is.
Dit blyk dat die skuldiges snags hulle voertuie tussen die bosse intrek en dan te voet 'n ent van die pad af bome afsaag.
"Die afsaag van die bome veroorsaak twee groot probleme," sê die bron. "Eerstens word die jong bome se stamme net bokant die grond afgesaag en die nuwe groei vorm dan nie weer 'n boom nie, maar 'n digte bos wat die vrye beweging van wild verhinder. Tweedens vrek baie van die bome en as dit reën word die dooie wortels uitgespoel, gronderosie kom voor en die grond wat wegspoel beland in die rivier en dan in die dam."
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein-Karoo nuus'
