OUDTSHOORN NUUS - Ongeveer 30 renjaers het mekaar die afgelope naweek op die Arnold de Jager-ovaalbaan in Oudtshoorn die stryd aangesê.
Tientalle ondersteuners het Saterdag
25 Februarie met groot opwinding gekyk hoe die renjaers in vyf kategorieë, naamlik die SWD-ontwikkelingsklas, 6-silinders, gemodifiseerde sedanklas, 8-silinders en die 1660 CC gemodifiseerde sedanklas jaag om oorwinning.
George en Oudtshoorn-renjaers het aan die kampioenskappe deelgeneem. Drie van die kategorieë is deur George-renjaers gewen, terwyl Oudtshoorn se spoedvrate die ander twee ingepalm het.
Die dag se sport het in droë, warm en winderige weersomstandighede plaasgevind, wat tot gevolg gehad het dat die baan op 'n gereelde basis natgespuit moes word.
SWD-ontwikkelingsklas
1. Herman Hanekom (Oudtshoorn)
2. Werner Heunis (Oudtshoorn)
3. Johan Engelbrecht (George)
6-silinders
1. Anton Pretorius (George)
2. Nadia van Rensburg (George)
3. André Keller (Oudtshoorn)
Gemodifiseerde sedanklas
1. Alistair Simpson (George)
2. Burger van der Westhuizen (Oudtshoorn)
3. Willie Olivier (Oudtshoorn)
8-silinders
1. Marius Combrinck (George)
2. Corné Martin (George)
1660 CC gemodifiseerde sedanklas
1. André Fouche (Oudtshoorn)
2. Izaan Keller (Oudtshoorn)
3. André Nel (Oudtshoorn)
Kyk hieronder na 'n video:
ARTIKEL, FOTO & VIDEO: CHRISTO VERMAAK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
