PRINS ALBERT NUUS - Die saak teen 'n munisipale verkeersbeampte van Prins Albert, Andrew Meintjies (45), wat teregstaan op twee aanklagte van korrupsie is verlede Dinsdag in die Oudtshoorn-streekhof voorlopig uitgestel omdat die landdros wat die saak aanhoor tans siek is.
Die saak is verlede jaar deur streeklanddros Mark van Wyngaardt vir verhoor tot 25 April uitgestel vanweë 'n voorkeursaak waarin die beskuldigde al vir baie lank in aanhouding is.
Meintjies was toe met toestemming van die staat nie by die hof nie.
Sy borgtog van R2 000 was ook voorlopig verbeurd verklaar.
Die staatsaanklaer, Willem Vister, het streeklanddros J H Breyl Dinsdag versoek om die saak voorlopig tot 9 Mei uit te stel en Meintjies se borgtogvoorwaardes tot dan te verleng.
Meintjies word daarvan aangekla dat hy toetse vir leerlingrybewyse gemanipuleer en rybewyse uitgereik het in ruil vir betaling.
Hy is in Maart verlede jaar op Drie Susters deur speurders van die nasionale direktoraat vir prioriteitsmisdaadondersoeke (die Valke) in hegtenis geneem.
Klik hier vir vorige artikels:
- Voormalige verkeersman in 2017 verhoor
- Prins Albert-verkeershoof in 2017 verhoor
- Opvolg: Verkeershoof in hof
- Verkeershoof kry R2 000 borgtog
- Opvolg: Verkeershoof in aanhouding
- Verkeershoof gearresteer vir bedrog
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Prins Albert, Klein Karoo nuus'
