OUDTSHOORN NUUS - Die gesin van Dirk van Niekerk is in rou gedompel nadat hy Maan-dagaand om 22:15 in die Mediclinic George oorlede is.
Dirk het ernstige beserings opgedoen toe hy twee weke gelede op 'n motorfiets in 'n botsing met 'n motor betrokke was. Hy was die eienaar van Alz-Du konstruksie.
Die botsing het op 15 Maart plaasgevind toe Dirk se motorfiets en 'n BMW in teenoorgestelde rigtings in Baron van Reedestraat gery het, en die BMW toe klaarblyklik voor die motorfiets ingedraai het.
Volgens sers. Gretchen Micheals,
woordvoerder van die Oudtshoorn-polisie, het die bestuurder van die wit BMW regs gedraai en die motorfiets wat van voor af gekom het, het hom aan sy linkerkant getref.
Die klag van roekelose en nalatige bestuur wat na die ongeluk ondersoek is, is nou na 'n klag van strafbare manslag verander.
Dirk was aan masjiene gekoppel en is in 'n mediese koma geplaas weens sy erge beserings. Hy het ondermeer sy ribbes, enkel en bekken gebreek en ernstige inwendige beserings opgedoen. Sy een nier is ook verwyder.
Dirk word oorleef deur sy vrou, Alta, seun Duan en dogter Alzaan. Sy gedenkdiens is Saterdag 2 April vanuit NG Kerk Oudtshoorn-Wes.
Klik hier vir vorige artikels:
- Motorfietsryer sterf 2 weke na ongeluk
- Twee ongelukke op een dag
- Opvolg: Man ernstig na ongeluk
- 2 ongelukke binne 10 minute
'Ons bring jou die nuutste Oudtshoorn, Klein Karoo nuus'
