OUDTSHOORN NUUS - Collegians se kanse om die finale van die SWD Presidentsliga te haal, is daarmee heen na die span `n loesing teen Prins Albert op die lyf geloop het.
Willing Hearts, soos die Prins Albert-span bekend staan, het met rustyd `n voorsprong van 3-0 geniet. In die tweede helfte kon die span egter die krane behoorlik oopdraai vir `n oorwinning van 25-0 voor hul tuisskare.
Dit is egter `n wedstryd wat Collegians gou sal wil vergeet. Verbroude kanse en onoordeelkundige besluite het verhoed dat die besoekers enige punte kon aanteken.
Collegians het egter deurentyd moedig wal gegooi en Prins Albert het eers laat in die tweede helfte deur Collegians se verdediging gebreek om vier drieë binne die laaste twintig minute te druk.
Collegians se B-span het daarin geslaag om die B-span van Willing Hearts met 8-5 te klop en is nou bo-aan die punte leer vir die B-spanne.
Wedstryde vir die naweek is as volg:
Premierliga:
Bridgton vs Barbarians (Bridgton sportgronde)
Presidentsliga:
Collegians vs Beaufort –Wes (Rec)
Harlequins vs Prins Albert (Weermag velde)
Rangers vs Oudtshoorn (Dysselsdorp)
'Ons bring jou die nuutste Oudtshoorn, Klein-Karoo nuus'
