Nuwe hoof vir Aifa

Chris Ebershön (HUB van Aifa), Han Bing (direkteur) en Jean Rossouw (direkteur).Foto: Christo Vermaak

OUDTSHOORN NUUSFLITS - Aifa (AVIC International Flight Training Academy), die vliegskool op Oudtshoorn, het sedert Januarie 'n nuwe hoof uitvoerende beampte.
 
Christo Ebersöhn, pa van drie seuns en getroud met sy skoolliefde, 'n voedselwetenskaplike se hoofdoel is om Aifa oor die volgende vier jaar te verdubbel en om die gemeenskap van Oudtshoorn se persepsie en gevoel oor die vliegskool te verander.
 
"Ek glo die inwoners wat so kla oor die vliegskool, al is hulle net 'n klein groepie, het 'n wanpersepsie oor die skool. Ja, dit is Chinese wat hier leer om te vlieg, maar hulle kom almal van die NUAA (Nanjing University of Astronautics and Aeronautics) in Noord-Oos China.
 
Ons kry jaarliks ongeveer 250 van die universiteit se studente en almal van hulle het reeds 'n B.Sc.-graad voltooi. Hierdie is intelligente en opgeleide mense. Hulle is nie paloekas nie," het hy gesê.
 
Volgens Ebersöhn is Aifa ook die grootste vliegskool in Afrika en die tweede grootste vliegskool in die suidelike halfrond.
Lees meer in môre se Oudtshoorn Courant, asook aanyln.
 
'Ons bring jou die nuutste Oudtshoorn, Klein Karoo nuus' 


Your Comments

Copyright 2017 Group Editors Co PTY Ltd t/a Oudtshoorn Courant