Onderwyser voor vir verkragting

Generiese foto.

OUDTSHOORN NUUSFLITS - 'n Skoolhoof van 'n primêre skool in die Oudtshoorn-distrik wat van verkragting aangekla word, bly in aanhouding nadat sy borgaansoek Maandag in die Oudtshoorn-landdroshof tot volgende Maandag uitgestel is.
 
Die 53-jarige beskuldigde se regsverteenwoordiger, Clyde Avontuur, het heftig beswaar gemaak teen die uitstel van die aansoek.
 
Die staatsaanklaer, Leonie van Rooyen, het die hof meegedeel dat die ondersoekbeampte nie beskikbaar is nie en ook gevra vir 'n borgprofiel van die beskuldigde.
 
Volgens die klagstaat het 'n 47-jarige vrou die klagte teen die beskuldigde aanhangig gemaak. 

Die saak is tot 20 Maart 2017 uitgestel.

Lees meer in Vrydag se Oudtshoorn Courant, asook aanlyn.
 
'Ons bring jou die nuutste Oudtshoorn, Klein Karoo nuus'


Your Comments

Copyright 2017 Group Editors Co PTY Ltd t/a Oudtshoorn Courant