OUDTSHOORN NUUSFLITS - Gerugte doen die rondte dat Leashay Billy wat vanoggend by Toekomsrus-kliniek gesteel by Highgate gevind is.
Kapt Louis Visser, woordvoerder van die Oudtshoorn-polisie, het pas bevestig dat dit nie die geval is nie. Daar was wel ‘n vrou met ‘n baba wat uit die taxi uitgeklim het, maar met haar eie baba.
Visser het ook gesê dat Myrtle Billy, die baba se ma, nie die baba vir die vreemde vrou gegee het nie.
“Sy het glo die baba vir ‘n goeie vriendin gegee. Die vriendin moes ook in die kliniek in gaan en sy het die baba vir die vreemde vrou gegee.”
Die ondersoekbeamptes wat gemoeid is met die ondersoek na die baba wat vanoggend uit die kliniek gesteel is, is verbonde aan die Oudtshoorn Gesinsgeweld, Kinderbeskerming en Seksule misdrywe-eenheid.
Hulle vra dat enige lid van die publiek wat enige inligting het hulle onverwyld moet skakel. Die ondersoekbeamptes is:
Sersant Corne Thysse 082 335 0606
Kapt Jeoffrey Gordon 082 778 7293
'Ons bring jou die nuutste Oudtshoorn, Klein Karoo nuus'
