Polisieman gearresteer vir verkragting

Generiese foto.

LADISMITH NUUS - 'n 39-jarige man, wat 'n beampte van die Ladismith-polisie is, is verlede week op 'n klag van statutêre verkragting in hegtenis geneem.
 
Volgens kapt. Malcom Pojie, Suid-Kaapse polisiewoordvoerder, het die man glo 'n seksuele verhouding met 'n 14-jarige meisie gehad.
 
"Die voorval het verlede week plaasgevind en hy is op 25 Februarie in hegtenis geneem. Die meisie se ouers het die voorval aan die polisie gerapporteer," het hy gesê.
 
Die man het op 26 Februarie in die Ladismith-landdroshof verskyn en is op borgtog van R500 vrygelaat. Sy saak is tot 4 April uitgestel.
 
Pojie het verder gesê dat 'n interne ondersoek gedoen sal word.
 
ARTIKEL: LIEZL VAN NIEKERK, OUDTSHOORN COURANT-JOERNALIS
 
'Ons bring jou die nuutste Ladismith, Klein Karoo nuus'


Your Comments

Copyright 2017 Group Editors Co PTY Ltd t/a Oudtshoorn Courant