Volgens die Wes-Kaapse minister van plaaslike regering, omgewingsake en ontwikkelingsbeplanning, Anton Bredell, het die ondersoek gevolg nadat klagtes ontvang is, en ook aan die hand van sekere aspekte wat aan die lig gekom het nadat Oudtshoorn verlede jaar onder administrasie geplaas is.
In ‘n verklaring sê Bredell die ondersoek is nog ‘n stap in die regte rigting vir herstel in Oudtshoorn.
Hy het aangedui dat hy verwag om die verslag teen die einde van die week te ontvang en dat verdere aankondigings daarna gemaak sal word.
Die DA se leier in die Wes-Kaap, Patricia de Lille, het verlede week tydens haar besoek aan Oudtshoorn gesê dat mense wat in die verslag uitgewys word, beslis strafregtelik vervolg gaan word.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
