OUDTSHOORN NUUS - Daar was nooit wanaanwending van geld nie en hy sal breedvoerig verduidelik wat van R16 miljoen geword het, wat volgens die eienaar van Camelus Voere, dr. Stefanus Cilliers, glo vir privaat doeleindes gebruik is.
So het die voormalige boekhouer van Camelus Voere, Rassie Kleyn, verlede week in die Oudtshoorn-streekhof getuig.
Hy staan tereg op 71 klagtes van bedrog, alternatiewelik diefstal. Die saak is Woensdag vir verdere verhoor tot 14 Maart uitgestel.
"Ons moet aanbeweeg. Die saak moet nou klaarkry," het streeklanddros Mark van Wyngaardt Woensdag gesê.
pluis is in Camelus Voere nie, asook van 'n interne boekhouer van Camelus Voere, Michelle Pratt, as onjuis afgemaak.
Volgens hom is dit van kardinale belang om te kyk na transaksies wat deur die rekeninge van Camelus Voere en Avante gevloei het.
"Mnr. Bredekamp het nie alles in ag geneem nie en net na bankstate gekyk. Dis 'n grondliggende fout wat hy begaan het en bitter gevaarlik," het Kleyn getuig.
Kleyn word daarvan aangekla dat hy meer as R8 miljoen vanuit Camelus Voere se bankrekening, sonder die wete van Cilliers, na sy eie oorgeplaas het. Kleyn was die eienaar van Oudtshoorn Rekenkundige & Finansiële Diens-te BK.
Kleyn word daarvan aangekla dat hy Artikel 64 (2) van die Wet op Beslote Korporasies, Wet 69 van 1984, oortree het.
Hy was sedert 1999 die rekenkundige beampte vir Camelus Voere wat vir die finansiële jare 2000 tot 2008 rekenkundige dienste asook finansiële bestuursfunksies aan Camelus Voere gelewer het.
Adv. Louis van Niekerk van die katoor van die direkteur van openbare vervolging is die aanklaer en Wenzel Botha van die Regshulpraad verskyn vir Kleyn.
Klik hier vir vorige artikels:
- Saak teen voormalige boekhouer uitgestel
- Bedrogsaak teen Kleyn weer uitgestel
- Sakeman weer in hof vir bedrog
- Sakeman se saak uitgestel tot Augustus
- Rassie Kleyn-bedrogsaak uitgestel
- Rassie Kleyn-saak weer uitgestel
- Rassie Kleyn-saak weereens uitgestel
- Kleyn verteenwoordig homself Geld was glo lenings
'Ons bring jou die nuutste Oudtshoorn, Klein Karoo nuus'
