Vroue slaan vuis in munisipale kantoor

Lilly Claassen, 'n lid van Sarco, sê sy het steeds probleme met haar oog na sy glo deur 'n ANC-raadslid aangerand is. Foto: Liezl van Niekerk

OUDTSHOORN NUUSFLITS - Die Oudtshoorn-polisie ondersoek twee klagtes van aanranding sowel as 'n klag van Crimen Injuria na 'n ANC-raadslid en 'n lid van Sarco mekaar glo getakel het.
 
Volgens Lilly Claassen, 'n lid van Sarco, het sy op 14 Januarie by die kantoor van die administreur ingeloop om te vra oor afsprake wat hulle reeds in verlede jaar gemaak het.
 
"Maggie Titus het toe uit een van die kantore uitgekom en gesê ons kan nie net hier in kom en afsprake maak nie. Sy het my lelike goed toegesnou en sommer net baklei. Ek het vir haar gesê ek verstaan nie hoekom sy 'n issue het nie en dat sy moet ophou om haarself so te gedra," vertel Claassen.
 
Volgens haar was dit ook nie die eerste keer wat sy en Titus in 'n woordewisseling betrokke was nie.
 
"Die volgende oomblik het sy my in my gesig geslaan en my mond het begin bloei."
 
Lees meer in Vrydag se Oudtshoorn Courant, asook aanlyn.
 
'Ons bring jou die nuutste Oudtshoorn, Klein Karoo nuus'


Your Comments

Copyright 2017 Group Editors Co PTY Ltd t/a Oudtshoorn Courant