OUDTSHOORN NUUSFLITS - 'n Inwoner wat gisteroggend, 18 Oktober, net voor 06:00 op pad was huis toe nadat hy nagskof gewerk het, het ondersoek ingestel toe hy strome water in Greenstraat, naby Parkweg in die pad sien afloop.
Hy wou die munisipaliteit bel om hulle in kennis te stel dat water by die pad uitborrel toe die pad skielik meegee en die voorkant van sy motor wegsak.
Toe hy uitklim besef hy die hele teeroppervalk rondom sy motor is onstabiel met water oral. 'n Brandweervoertuig het sy motor uit die gat gesleep en die pad is afgesper.
Die munisipaliteit het later die gedeelte waar die motor weggesak het, afgesper.
Dit blyk egter dat die gedeelte van die teer (wat deur die wit elips aangedui word) meegee as daar gewig op geplaas word.
Met die Oudtshoorn Courant se besoek gistermiddag kon 'n duidelik voel hoe die teerblad meegee as daar op getrap word. Inwoners word gemaan om die straat te vermy indien moontlik.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein-Karoo nuus'
