OUDTSHOORN NUUS - Gordon April, die gewese burgemeester van die Oudtshoorn-munisipaliteit, en Raymond Wagenaar het die week weer in die Oudtshoorn-streekhof verskyn.
Landdros Mark van Wyngaardt het verlede week gesê aangesien die munisipaliteit nie April en Wagenaar se regskostes gaan dek nie, moet dié twee die week 'n nuwe prokureur kry sodat daar op nuwe verhoordatums besluit kan word.
Die sand-en-klip saak van April en Wagenaar kom al sedert 2011 aan toe klagtes van diefstal, regsverydeling en intimidasie teen die twee gelê is nadat daar na bewering sand en klip met munisipale vervoer na April se huis vervoer is.
April en Wagenaar het aangedui dat beide van hulle deur die prokureur, Oliff D'Oliveira van George verteenwoordig gaan word.
Van Wyngaardt het die saak tot 18 September uitgestel sodat hul prokureur op rekord kan kom en nuwe verhoordatums vasgestel kan word.
Klik hier vir vorige artikels:
- Twis oor April se regskoste draai in hof
- Munisipaliteit betaal nie verdere regskostes
- Opvolg: Oud-burgemeester in hof
- Burgemeester se sand en klip verhoor begin
- Oudtshoorn burgemeester in hof
ARTIKEL: LIEZL VAN NIEKERK, OUDTSHOORN COURANT - JOERNALIS
'Ons bring jou die nuutste Oudtshoorn, Klein-Karoo nuus'
