OUDTSHOORN NUUS - Daar heers redelike verwarring by motoriste in die sentrale sakegebied nadat sowat 10 parkeerbeamptes vanoggend weer op hulle poste was.
Daar is in die media berig dat die parkeerstelsel op 31 Augustus ten einde loop aangesien die kontrak met die maatskappy wat die stelsel berdyf deur die munisipaliteit beëindig is.
Daar was ook gesê dat ‘n ondersoek geloods word oor die wyse waarop die parkeerstelsel bedryf was. Oudtshoorn se burgemeester het vanoggend gesê dat die munisipaliteit die situasie aanspreek en in onderhandelinge gewikkel is. Intussen het verskeie motoriste die koerant geskakel om te hoor of hulle moet voortgaan om te betaal of nie.
Ons het intussen vasgestel dat afgevaardigdes van Parking Management Systems, die maatskappy wat die parkeerstelsel bedryf, in Oudtshoorn is vir samesprekings met die munisipaliteit oor hulle kontrak.
Verdere inligting volg sodra daar kommentaar van die munisipaliteit ontvang is.
Een van die sowat 10 parkeerbeamptes wat vanoggend vir diens aangemeld het, maar onseker is oor wat die toekoms inhou.
'Ons bring jou die nuutste Oudtshoorn, Klein-Karoo nuus'
